Kacaanka Warshadaha Ee soomaaliya

Maxa ka baran karna sooyaalkii warshadahi hore soomaaliya

Kacaankii Warshadaha somaliya waa xili lagu tilmaamo horumarka warshadeed ee dalka Soomaray waa xilligii dowladdii dhexe ee Soomaaliya ee u dhexaysay 1970-1991. Xilligaas, dowladda Soomaaliya waxay ku dadaashay inay horumariso warshadaha dalka iyadoo adeegsanaysa qalabka u danbeye iyo mashiinada markaas jiray

Xukumadii kacaanka waxay ku dadaashay kobcinta dhaqaalaha iyo shaqaalaha. Sidoo kale, waxay dowladdu waxay xooga saartay warshadaha nolol maalmeedka ah sida looga maarmo soodhoofinta walaxaha yaryar. Dowladda ayaa sameysay qorshe horumarineed oo lagu ballaariyey warshadaha, iyadoo loo adeegsanayey deeqooyin iyo maal-galin shisheeye. Markii dowlada la wareegtay warshadaha waxay horumarisay warshadaha muhiimka u ah wax-soosaarid, muddo kooban ayaa soomaaliya laga yegleelay warshado tiro-badan oo wax-soosaar heer saro leh.

Warshadda Sonkorta Jubba Mareeray — jaantuus 1aad, Warshadaan waa mid kamid ah warshadahii Dalka Lahaa Burburkii Ka Hor.

Side Loo Horumariye Warshadaha Dalka Lahaa Burburkii Ka Hor

Dowladdi kacaanka si warshadaha loo horumariyo waxay qaaday talaaboyin aad u wanagsan bulshada soo dhaweysay Talaaboyingaas waxa kamid ah.

Xoojinta maamulka dowladeed iyo amniga. Xukumadii kacaanka ayaa abuurtay siyaasad ku dhisan kalsooni iyo amni deggan ee ku soo-jiiteen shacabka iyo ajaanibta si u hesho dowladda Maalgashiyaashi calami ah, dowladii markii xasilooni ku soo daabushay dalka, dowlada waxay dardargalisay warshadahi tirade badneed dalka Soomaray.
dowladdi waxay Horumarisay adeegyada aasaasiga waxa kamid ahaay adeegyadii gaadiidka iyo tamarta si loogu fududeeyo shirkadaha inay shaqeeyaan. Tani waxay ka mid aheed maalgashiga waddooyinka, dekedda, diyaaradaha iyo nidaamka abuurista iyo faafinta warshadaha.
waxay Horumarisay aqoonta shaqaalaha kacaankii warshadaha waxay soosaareen Shaqaale leh aqoon waxay xooga saareen tababarka taaso u araktay mid lagu gaari karo isku filnaasho horumarneed warshadah, dhanka kale Dowladdu waxii diirada saari jirtay dugsiyada farsamada gacanta iyadow la imaa jirtay barnaamijyo waxbarasho iyo tababar si loogu horumariyo aqoonta iyo ogaanshaha muhiimka u ah warshadaha wax sosaarka dalka.
kacdoonkii warshadaha waxay dhiirigelin u samasay iskaashatada iyo muruq maalada marki dalkii warshado faro badan ka hirgaleen dowlada waxay yareesay soo dhoofinta wax yaabaha dalka laga heli karay si loo dhiirigaliyo warshadleyda.
dowladii waxay iskaashi la sameysatay gobolka iyo caalamka waxay ka faa’iideysatay suuqyada wadamadi saaxibada dhaw ahaayeen sida talyaniga, ruushka, kenya, jabuuti iyo dalal kale. wasarada warshadaha waxay heshiis ganacsi la gashay Dowladdaha kor ku xusnay iyo dowladdo kale.

Kacaankii Warshadaha somaliya — jaantuus 2aad. SLHW.

WARSHADAHI HORE SOOMAALIYA [1960-1991]

kacdoonkii warshadaha somaliya si dardar aan kala joogsi laheyn waxuu bilowday sanadkii 1970s ee markii dowladdii diirada saartay inee hesho ilo dhaqaale kala duwan, iyada oo loo marayo marxalado kala duwan oo ah horumarinta warshadaha. Warshadaha waxay noqdeen koob bulshada iyo dowladda ka faa’iday, bulsho badan ayaa ka heleen shaqo, dowladdii kacaanka dhaqaalahaydii kobac wanagsan ayuu sameye.

Marxaladdii ugu horreysay ee warshadaha waxay ahayd marxalad la yiraahdo “Warshadaha Kowaad”, taasoo lagu abuurayo alaabada qalabka warshadaha iyo warshadaha biyaha. Marxaladda labaad ee warshadaha, oo la yiraahdo “Warshadaha Labaad”, waxay ahayd marxalad lagu abuurayo alaabada qalabka guryaha iyo qalabka noolal maalmeedka.

Dhaqaalaha dalka ahi wuxuu si weyn u horumariyey warshadaha, iyada oo loo marayo isticmaalka qalab wanagsan ah iyo habab soo saar oo cusub, iyada oo la isticmaalo nidaamyo iyo habab maaraynta warshadaha. Dhaqaalaha dalka wuxuu sidoo kale ka faa’iiday isbedelada kacdoonkii warshadaha dunida ee lagu sameeyey qalabka iyo nidaamka, iyada oo la adeegsanayo warshadahii markaas u danbeeye oo jiray. wadanka Soomaaliya inkastuu ka mid yahay dalalka ee soo koraye, ka hor burburkii dowladii hore ee kacaanka wadanku wuxuu lahaa warshado badan oo waxsoosaara lahaay laakiin la bililiqeeystay ama burburey wakhtigii dagaalada. Sidaas ay tahay maanta majiraan wax kashaqeyo kuwii la dhisay 1991 ka hor nasiib wanaag tomankii sano u danbeesay dalka si aan xooli aheen waxa ku soo badanaye warshaddo yaryar oo cusub gaarka loo leeyahay.

Wax Ka Ogow Inta Warshadood Oo Dalka Somaaliya Lahaa Burburkii Ka Hor

No	magacyada Warshadaha	goobaha/locations
1	Warshadda Sonkorta SNAI	Jowahar
2	Warshadda Sonkorta Mareeray	Jubba
3	Warshadda Caanaha	muqdisho
4	Warshadda Dharka iyo Suufka	Balcad
5	Warshadda Hilibka	Kismaayo
6	Warshadda Sigaarka iyo Taraqa	muqdisho
7	Warshadda Maacuunta	muqdisho
8	Warshadda Sibirka Ama Shamentada	Berbera
9	Warshadda Safaynta Batroolka	Xamar
10	Warshadda Rinjiga iyo Qasaca	xamar
11	Warshadda Bacrinta	Muqdisho
12	Warshadda Birta Shubka	Xamar
13	Warshadda Saliidda	Muqdisho
14	Warshadda Daawada	Muqdisho
15	Warshadda Hargaha iyo Kabaha	Xamar
16	Wershedda Cusbada	Xaafuun
17	Warshadda Hargaha	Kismaayo
18	Warshadda Hargaha	Hargeysa
19	Warshadda Hargaha	Burco
20	Warshadda Gympsuimka	Berbera
21	Warshadda Eterniga	Berbera
22	Warshadda Kalluunka Laas Qoray	Sanaag
23	Warshadda Kalluunka iyo Xabo	Qandala
24	Warshadda Qaboojiyaha	Berbera
25	Warshadda Badarka	Hargeysa
26	Warshadda Badarka	Baydhabo
27	Warshadda Burka iyo Baastada	Muqdisho
28	Warshadda Badarka	Burco
29	Warshadda Labanka	Afgooye
30	Warshadda Badarka	Muqdisho
31	Warshadda Hubbka Iyo Rasaasta	Mahaday
32	Warshadda Khudaarta ITOP	Afgooye
33	Warshadda Badarka	Kismaayo
34	Wakaaladda Madbacadda Qaranka	Xamar
35	Warshadda Caagga iyo Kartoonka INKAS	Jamaame
36	Wakaaladda Xoogga Korontada Umadda	Muqdisho

Waa Maxay Xariirka Ka Dhaxeyo Warshadaha Iyo Dhaqaalaha

Warshadaha iyo Dhaqaalaha waa laba arrimood oo kala duwan oo muhiim u ah dhaqaalaha dal ama bulsho.

Warshadaha waa habka lagu dhisto, lagu sameeyo ama lagu iibiya adeegyada iyo alaabada ay u baahan yihiin bulshada. Warshaduhu waxay ka shaqeeyaan in ay soo saaraan waxyaabaha bulshada u baahan, waxayna ku tiirsan yihiin dhaqaalaha si ay u iibiyaan waxyaabaha ay soo saareen.

Warshaduhu waa illo dhaqaale oo muhiim ah. Wadanka warshado badan leh dhaqaalihiisu wuu sareeysaa, sababtoo ah dadkiisa inta badan weey shaqeeyaan dhaqaale fiicana helaan. Taasi waxay keentaa in Dawladda wadanku hesho canshuur badan oo dhaqaaleheeda aad u dhista.

Dhaqaaluhu waa habka uu u shaqeeyo ee bulshada ay ku maareeyaan dakhligooda iyo khayraadkooda. Dhaqaaluhu wuxuu ka kooban yahay suuqyada iyo hababka ay bulshadu u isticmaasho lacagta si ay u maareeyaan baahiyaha iyo rabitaanka ay u qabaan adeegyada iyo alaabada.

Xariirka ka dhaxeeya warshadaha iyo dhaqaalaha waa mid labada dhinacba ku tiirsan yihiin. Warshaduhu waxay u baahan yihiin dhaqaalaha si ay ugu iibiyaan waxyaabaha ay soo saareen, halka dhaqaaluhu uu u baahan yahay warshadaha si uu u helo alaabada iyo adeegyada loo baahan yahay.

Sidaa daraadeed, xariirka ka dhaxeeya warshadaha iyo dhaqaalaha waa mid muhiim u ah horumarka iyo horuminta dhaqaalaha guud ee dal ama bulsho, iyada oo labada dhinac ay uga wada shaqeeyaan in ay wax soo saaraan oo ay iibiyaan si loo ilaaliyo dhaqaalaha iyo warshadaha.